A Feira Internacional de Galicia ABANCA convértese no primeiro recinto feiral galego con app propia, e permitirá aos seus usuarios informarse de todas as actividades programadas no recinto.
A través do calendario propio que contén a aplicación é posible consultar as datas de todos os eventos celebrados pola entidade, así como o programa do evento, o listado de expositores, horario, planos e outro tipo de material e información complementaria que axudará ao usuario a planificar mellor a súa visita á feira.
A aplicación aproveita as características propias dos terminais móbiles, e fai uso da xeolocalización e os mapas de Google para guiar ao usuario dende a súa posición ata o recinto ou o lugar de celebración dos diferentes eventos.
Tamén conta cun sistema de notificacións para que os usuarios non perdan detalle. A FIG enviará mensaxes para avisar aos usuarios da app da celebración de actividades nos días previos ás mesmas, así como recordatorios das diferentes actividades
A aplicación está dispoñible para teléfonos Android e iOs
The post A app do mes | Feira Internacional de Galicia ABANCA appeared first on Xente Dixital.